Për të pestën ditë radhazi, Britania e Madhe ka tejkaluar 50,000 raste të reja me koronavirus. Në 24 orët e fundit, janë konfirmuar 57,725 infeksione, shifra më e lartë që nga shpërthimi i pandemisë në vend.
Yvonne Doyle, drejtori i Shëndetit Publik në Angli, paralajmëroi se “transmetimi i Covid-19 është shumë i lartë”.
Pikërisht për shkak të rritjes së infeksioneve, qeveria britanike ka vendosur që të gjitha shkollat fillore në Londër, zona më e goditur, do të qëndrojnë të mbyllura deri më 18 janar. Unioni Kombëtar i Arsimit, i cili mbledh urgjentisht bëri thirrje për mbylljen e të gjitha shkollave në Angli.
Kujtojmë se në Britani është shfaqur mutacioni i ri i koronavirusit. Sipas ekspertëve ky variant i ri përhapet më shpejt dhe kjo ka ndikuar në rritjen e numrit të të infektuarve që ka sjellë edhe presionin e shtuar në spitale.
