Kushëriri i ish-ministrit të Brendshëm Saimir Tahiri, Moisi Habilaj është arratisur nga drejtësia italiane. Mësohet se ai është shpallur në kërkim, pasi është arratisur, raporton ReportTv. Ai nuk është gjetur në banesën e tij në adresën që kishte dhënë në Raguza të Italisë. Habilaj kishte deklaruar se do të qëndronte në shtëpinë e një kushëriri të tij. Gjykata e Apelit e Katanias e dënoi përfundimisht me 15 vite e 5 muaj burg Moisi Habilajn. Kur policia shkoi për të ekzekutuar vendimin, kushëriri i ish-ministrit të Edi Ramës nuk është gjetur në adresën e dhënë. Në muajin maj si pasojë dhe e pandemisë Covid-19, gjykata ndryshoi masën e sigurisë duke e nxjerrë nga qelia në ‘arrest shtëpie’ Habilajn. Për të gjyqtarët e Gjykatës së Apelit të Katanias tashmë kanë vendosur të mos ndryshojnë vendimin e parë dhe të mos bëjnë asnjë zbritje por ta dënojnë me 15 vjet, 5 muaj dhe 10 ditë siç është urdhëruar më 19 qershor 2019./ Report tv