Merkato në Itali/ Dy opsione për mbrojtjen e Liverpool

Jurgen Klopp pret një qendërmbrojtës nga merkato e dimrit dhe drejtuesit e kampionëve të Anglisë kanë hedhur sytë nga Italia. Dëmtimet e dyshes Virgil Van Dijk dhe Joe Gomez kanë krijuar probleme në prapavijën e “The Reds”.
Daily Mail raporton se Liverpool po tenton një goditje me kosto të ulët dhe dy janë alternativat. I pari është Matteo Musacchio, 30-vjeçari i Milanit. Argjentinasi me origjinë arbëreshe, ka humbur postin e titullarit te kuqezinjtë.
Këta të fundit e kanë nxjerrë në merkato, teksa Liverpool është një opsion fantastik për të ardhmen e lojtarit defensiv. Alternativa e Musacchios është Nikola Maksimovic, qendërmbrojtësi serb i Napolit.