Kryesuesi i listës së Partisë Socialistë në Gjirokastër, Bledi Çuçi zhvilloi sot një takim me banorët e lagjes Varosh të qytetit. Gjatë fjalës së tij, ai vuri theksin tek rëndësia e promovimit dhe zhvillimit të trashëgimisë së pasur kulturore të Gjirokastrës si aseti i vetëm që mund të ndërtojë një të ardhme dhe mirëqënie të qëndrueshme për qytetarët e saj.
“Vizioni jonë për Gjirokastrën është shumë i qartë. Duhet të marrim gjithë këtë trashëgimi të mrekullueshme që na kanë lënë të parë tanë, dhe mbi këtë të shkuar duhet të fillojmë të ngremë të ardhmen tonë. Të ndërtojmë një qytet që ta ketë lakmi jo vetëm Shqipëria, por i gjithë rajoni. Sepse në fakt, këtë qytet e ka lakmi e gjithe Europa për vlerat e trashëgimisë që ka, por që ne nuk po dimë t’i konvertojmë në mirëqenie dhe themele për të ngritur të ardhmen tonë të sigurt, këtu në Gjirokastër, pa qenë nevoja të shkojmë as në Tiranë, as në Greqi as në Gjermani.”
Më tëj, ai u ndal tek zgjedhjet e 25 Qershorit duke deklaruar se Edi Rama është e vetmja alternativë e qënësishme për të drejtuar rrugëtimin e Shqipërisë drejt Bashkimit Europian.
“Ju ftoj t’i bëni vetës një pyetje kur të shkoni dhe të votoni në 25 qershor , kë doni Kryeministër në 26 qershor, Lulzim Bashën apo Edi Ramën? Është shumë e thjeshtë kur e shtron kështu pyetjen sepse retorika politike priret gjithmonë t’u fusë në labirinthe për t’u mbajtur peng siç u ka mbajtur deri tani”
