Rakia se fundmi eshte bërë objekt kontrabande pasi 500 litra raki u kapën në portin e Barit, në një autobus të nisur nga Shqipëria. Doganat italiane njoftuan konfiskimin e 500 litrave raki me prejardhje nga Shqipëria, pa certifikatat e duhura të tregtimit dhe standardet e sigurisë.
Në kuadër të operacionit për trafiqe ilegale, autoritetet portuale të Barit dhe Guardia di Finanzia e qytetit zbuluan të premten 85 bidonë plastikë me raki. Sasia u gjet e fshehur në bagazhin e një autobusi që po transportohej me traget nga Shqipëria. Kontrolli i imtësishëm zbuloi se pijet ishin fshehur pas një dhomëze e cila hapej me një mekanizëm metalik.
Shoferi shqiptar i autobusit u ndalua nga policia me akuzat e ko ntrabandës, transportit të produkteve me akcizë, dhe për transportimin e produkteve pa autorizim. Autoritetet vendosën edhe bllokimin e autobusit për tre muajt e ardhshëm. Mostra të rakisë mësohet se po analizohen nga laboratori i doganës së Barit, për të vlerësuar klasifikimin dhe fortësinë alkoolike, dhe nëse në përbërje të saj ka substanca që rrezikojnë shëndetin e njeriut.
