Atë që policia e raportoi si dhunë fizike të nipit të saj ndaj një 89 vjeçareje në fshatin Grabian të Divjakës, rezulton përdhunim. Është djali i të moshuarës, Ismet Meçani, që thotë se nëna e tij u përdhunua nga nipi i saj Saimir Meçani.
Ai thotë se 89-vjeçarja tani po merr trajtim mjekësor, ndërsa konfirmon se ajo është përdhunuar. “E gjetëm të zhveshur”-tregon ai.
Dëshmia:
Ismet Meçani: U futëm brenda dhe e pyeta mamin, kush të ka rrahur? ja ky më tha.
-Atë e ka djalin e djalit?
Ismet Meçani: Po
-Çfarë i kishte bërë nënës?
Ismet Meçani: E kishte zhveshur, kishte bërë punën e veta.
-Po ai djali e pranon?
Ismet Meçani: Jo se pranon ai, as të rrahurën. E mori ai djali tjetër e futi në dhomë. E pyeta nënën të rrafi, të përdhunoi? Po më tha.
-Kush e njoftoi policinë?
Ismet Meçani: Unë
-Ju dyshoni që e ka bërë?
Ismet Meçani: Po se plaka ishte e zhvesur, trupi është i goditur.
-Vuan nipi nga çrregullime mendore?
Ismet Meçani: Jo, po ai këtë punë ka, edhe në Greqi këtë punë ka bërë, u dënua atje. Ai është 35 vjeç Saimir Hamzai e ka emrin. Është djali i gruas. Kishte ardhur nga Greqia. /Tch
