Kryetarja e LSI-së, Monika Kryemadhi, gjatë një interviste për mediat kosovare u shpreh se nëse do të jetë në pushtet, do të heqë taksën e Rrugës së Kombit.
“Për sa i përket taksës, ne do ta kthejmë mbrapsht gjithë atë taksë. Atë që nuk na ndanë dot shekujt, nuk mund të na ndajnë dot pejtollet e rrugëve, kështu që të jeni të bindur që shumë e shpejtë do të jetë dita që do të rrënohet një taksë ndarjeje, edhe financiare. Boll kemi paguar taksat e ndarjeve shpirtërore, tashmë nuk mund të ndajnë më taksat financiare”, shprehet Kryemadhi.
Taksa u vendos rreth 3 vite më parë nga qeveria ende në pushtet duke sjellë mjaft debate e kontestime.
