Rama në Gjirokastër “i shqetësuar” për Tritan Shehun: Kam vetëm një merak për të, mos këput ndonjë gjë

Kryeministri Edi Rama nuk i ka kursyer batutat gjatë një bashkëbisedimi me disa qytetarë në Gjirokastër, ku iu ka kujtuar atyre shprehjen e famshme për këtë qytet. Kreu i qeverisë kritikoi organizatorët e këtij aktivitet, që po mbahet në shtëpinë e Ismail Kadarese se nuk i kishin nxjerrë as një ujë përpara.
Mes të tjerash ai nuk la pa shigjetuar dhe ish-deputetin e PD-së të këtij qarku, Tritan Shehun.
Mjekja-Ramës: A e cënon spitali i ri në Fier, faktin që Gjirokastra është spital rajonal?
Rama: Jo nuk e cënon. A harrova që keni Tritanin ju. Kam vetëm një merak për të. Kam merak mos këput ndonjë gjë nga këputja e kokës, pasi e shoh se ka një tundje koke intensive kur flet Luli. Dhe them; “mos se do të bëjë këputje këtu”. Tritanin dëgjojeni për relaks. Si nuk na keni vënë një ujë për para, e keni bërë tamam si gjirokastritët.
Qytetari: Po do merrnin por nisëm para
Rama: Edhe ti nuk solle asgjë!