Kandidati për deputet i Partisë Socialiste në Tepelenë e Memaliaj, Laert Duraj, vijon takimet elektorale për të kërkuar mbështetje me votë në 25 qershor.
Së fundi ishte në fshtrat Kamçisht e Xhaxhaj, ku bisedoi me banorët për problemet e zonës së tyre.
“Xhaxhaj e Kamçisht, ndër zonat më të thella të Bashkisë Memaliaj! Kur shikon gjendjen e vështirë të rrugëve dhe të infrastrukturës por sheh dhe shpresën e besimin që ata të japin, ndjen një ndjenjë përgjegjësie të fortë dhe e kupton sa i rëndësishëm është misioni i përfaqësimit të tyre. Në këtë zonë ka shumë frutikulturë por në gjithë zonën mungon një fabrikë përpunimi frutash. Le të jetë ajo një nga qëllimet e viteve të ardhshme duke hedhur një hap më shumë në rrugën për Shqipërinë që duam”, shkruan Duraj në Faqen e tij në Facebook.
Ndërkohë një takim tjetër ai ka zhvilluar edhe me banorë të fshati Krahës, ku ishte i pranishëm edhe Bledi Çuçi e Matilda Çela, dy kandidatë të tjerë në listën e socialistëve për qarkun Gjirokastër. Ata prezantuam programin e PS për rindërtimin e fshatrave, një paketë investimesh e cila do të garantojë akses të plotë te produkteve bujqësore nëpër tregje.
/ArgjiroLajm.net/
