Një ngjarje e rëndë ka ndodhur mesnatën e së martës në Gjirokastër. Një automjet i Operatorit të Shpërndarjes së Energjisë Elektrike ka dalë nga rruga duke përfunduar në ujërat e lumit Drino. Brenda automjetit ndodheshin dy elektriçistë, të cilët ishin në shërbim gjatë asaj ore dhe po shkonin për të bërë segmentimin e një defekti në anën tjetër të lumit ku ishin thikat e linjës. Në rrethana të paqarta makina ka rënë brenda lumit. Forcat e shërbimit zjarrfikës dhe Policisë së Shtetit shkuan në vendngjarje për të nxjerr automjetin nga lumi, por për shkak të thellësisë ku ndodhej makina ishte e pamundur. Mësohet se është kërkuar ndihma e polumbarëve të forcave RENEA nga Tirana. Me mbërritjen e tyre do të bëhet e mundur nxjerrja e dy elektricistëve te pajete, Selfo Kallfa dhe Ismet Isaraj. Argjirolajm.net raportoi ngjarjen pak minuta pasi kishte ndodhur.
©argjiroja.net
