Ministrja e Kulturës, Mirela Kumbaro, e cila është kandidate për deputete në qarkun e Gjirokastrës ka treguar në Facebook përmes një fotoalbumi detaje interesante nga fshati Vërçisht, më i largëti në Bashkinë Përmet në kufi me Skraparin.Kumbaro shkruan se veç mungesës së investimeve në këto 25 vite, banorët i treguan se asnjë ministër nuk e kishte vizituar ndonjëherë fshatin e tyre prej më shumë se 50 vjetësh.
“Një ndër takimet më të veçanta që pata në Vërçishtin e largët, të njerëzve zemërmirë e punëtorë. Fshati në skaj të Përmetit, në kufi me Skraparin, me një natyrë të mrekullueshme, por i harruar nga qeveritë e këtyre 25 viteve.
Fshat, ku jo vetëm që nuk kishte menduar njeri për investime, por ku nuk kishte shkuar ndonjëherë asnjë ministër apo deputet për më shumë se 50 vite, më treguan banorët e tij.
Bashkë ndamë hallet dhe shqetësimet e mbartura ndër vite, por mbi të gjitha ndamë bindjen dhe besimin se themelet e #ShqipërisëQëDuamjanë hedhur sot më të forta se kurrë. Se #ShqiperiaQeDuam është#ShqipëriaetëGjithëve”, shkruan Kumbaro në Facebook, status që e ka shoqëruar edhe me keto foto interesante.
