Ambasadori italian në Republikën Demokratike të Kongos është vrarë gjatë një sulmi me armë në Goma. Lajmi është bërë i ditur nga Ministria e Jashtme italiane për CNN. Bëhet me dije se Luca Attanasio vdiq së bashku me një ushtar italian pasi makina e tyre u sulmua ndërsa udhëtonin në kufi të Rwanda-s.
“Me hidhërim të thellë Farnesina konfirmon vdekjen, sot në Goma, të Ambasadorit të Italisë në Republikën Demokratike të Kongos, Luca Attanasio dhe të një ushtari pjesë e autoritetetve të policisë,” tha ministria në një deklaratë për shtyp.