Disa minuta më parë është publikuar një lajm në të cilin njoftohej se një 20 vjeçar ishte gjetur i plagosur rëndë me thikë, por nuk sqarohej shkaku apo shkaqet që çuan në këtë situatë.
Tashmë policia ka sqaruar zyrtarisht se çfarë ka ndodhur me 20 vjeçarin Ardit Halili, i cili aktualisht ndodhet në spitalin e Tiranës, në gjëndje kritike për jetën.
Policia sqaron se nuk ka patur asnjë lloj sherri mes tij me ndonjë person tjetër. 20 vjeçari është vetëplagosur duke goditur veten me thikë në bark dhe duke dëmtuar rëndë mëlçinë e tij.
Policia thekson se i riu dyshohet se ka vepruar në kushtet e depresionit, çka hedh dyshimet se në të vërtetë i riu ka tentuar të vetëvritet.
Njoftimi i Policisë:
Delvinë
Rreth orës 08:25, në lagjen “L.Malo” Delvinë, dyshohet se është vetëplagosur me mjet prerës në banesën e tij, shtetasi A.H., 20 vjeç.
I dëmtuari është dërguar menjëherë në Spitalin e Sarandës për të marrë ndihmë mjekësore dhe më pas është nisur me Helikopter në drejtim të Tiranës për mjekim më të specializuar.
Dyshohet se personi ka vepruar ne kushtet e depresionit.
Grupi hetimor ndodhet në vendngjarje duke kryer hetimet e mëtejshme në lidhje me rastin
