Kandidatja e PD në Tiranë, Anduena Qefalia ka hapur një llogari bankare ku i kërkon njerëzve që ta ndihmojnë me para që ajo të futet në parlament.
Por ky veprim i saj nuk është pritur mirë nga qytetarët të cilët kanë komentuar në statusin e saj se si është e mundur që të kërkojë para për fushatë.
“I/e dashur mik/e! Unë jam duke garuar në zgjedhjet e ardhshme për Kuvendin e Shqipërisë. Për herë të parë, një grua myslimane praktikante do të ulet në karrigen e ligjvënësit, në institucionin më të lartë të vendit.
Që zëri ynë të dëgjohet nga çdokush që do të donte të përfaqësohej nëpërmjet kandidaturës time, është e rëndësishme të bashkojmë energjitë dhe kapacitetet tona.
Prandaj më nevojitet ndihma juaj për ta përmbushur me sukses këtë mision!
Për të më mundësuar këtë rrugëtim, për të ngritur/forcuar zërin tonë në parlament në dobi të komunitetit tonë, mirëpres mbështetjen tuaj në llogarinë bankare më poshtë:
Banka: Credins Bank
Mbajtësi i Llogarisë: Anduena Qemal Qefalia
Nr. i Llogarisë: 00001500343
IBAN: AL25 2121 1401 0000 0000 0150 0343
SËIFT: CDISALTRXXX
Me mirënjohje të thellë,
Anduena Qefalia”– shkruaj kandidatja e Bashës për deputete e cila renditet e 29-ta në listën e Tiranës.
Ajo ndërkohë dallohet për ndjenja të forta osmane.
Ja çfarë shkruan më 14 shkurt.
“10 Shkurti 1918 në historinë Osmane shënon 101 vjetorin e vdekjes të Sulltan Abdulhamidit II. I njohur si një Sulltan i urte dhe i përulur, tregoi shumë kujdes për mirëqenien e popullit të tij. Gjatë mbretërimit të tij prej tridhjetë e tre vjetesh ai arriti të hapte disa universitete, biblioteka dhe shkolla, në mesin e shume projekteve të tjera dhe gjithashtu pagoi 90% të borxhit të Perandorisë Osmane.
I njohur për natyrën e tij modeste, kronikët raportojnë se ai ishte i zënë me detyrat e përditshme të tij, të tilla si riparimi dhe ripërdorimi i këpucëve pasi ato janë dëmtuar.
Sulltan Abdulhamidi është lavdëruar për talentin e tij politik edhe nga bashkëkohësit e tij:
– Perandori gjerman Kaiser Wilhelm II ka deklaruar se “kam mësuar lojën e politikës nga Abdulhamidi”.
– Admirali amerikan Lord Fisher e përshkruan Sulltan Abdylhamdin si “Diplomatin më te aftë dhe me mendimin me te mprehte në Evropë”.
– Kancelari gjerman Otto von Bismarck ka thene për sa i përket Sulltan Abdulhamid: “Nga e gjithe inteligjenca Evropiane, 90% gjendet tek Abdulhamidi, 5% në veten time dhe 5% në të gjithë të tjerët”.
