Ilir Meta ka përdorur një gjuhë të ashpër ndaj kryeministrit Edi Rama duke përdorur epitete nga më të rëndat që ka përdorur në përplajset mes të dyve. Në një intervistë në tv lokal të Shkodrës Tv1, Meta tha se kreu i qeverisë nuk është normal.
“Të gjithë shqiptarët e dinë se kemi për Kryeminister një të marrë, një të sëmureë psikik që sot nuk tremb më askënd. Ky i semure psikik qe i ngriti gishtin Shkodres, do rendohet shume ne ditet ne vijim dhe askush nuk do ti beje me derman. Rama eshte nje kukull qe dihet nga kurdiset ne rajon, per te minuar te ardhmen e Shqiperise.
Edi Ramen e paralajmeroj nga Shkodra se do t’ja pres duart atij dhe kujdo tjeter banditi qe guxon te preke votat. Presidenti do nxjerre dekrete per mbrojtjen e votes se lire. Per kete te jete i qarte Rama dhe banditet e tij. I gjithe populli do jete ushtar dhe do ta ndjeke Ramen kudo qe te jete nese prek 1 vote” – tha Meta.
“U bë vite që jetojmë në klimë tensioni dhe përjashtimi. Kjo ndodh sepse kryeministri në largim ka shndërruar shtetin në një lloj bande. Dhe e ka treguar këtë edhe para 4 vitesh me zgjedhjet e Dibrës dhe Shijakut, por edhe me zgjedhjet një partiake moniste.
Unë u bëj thirrje gjithë qytetarëve që të shkojnë të votojnë me datë 25 prill, unë jam i sigurt që çdo presion dhe shtypje do të përkthehet në derdhje pa fund votash për ndryshim. Presidenti Meta do të flas vetëm ndërmjet dekreteve, dhe do mbroj demokracinë me anë të dekreteve.
Populli me një dekret të Presidentit është ushtar dhe del lufton për këtë çështje, sepse ai është një antishqiptar. Edi Rama po mbron interesin e disa antishqiptarëve dhe që duan shkatërrimin dhe shpopullimin e Shqipërisë, qe synojne percarjen e shqiptareve dhe ndarjen e Kosoves.
Dhe jo me kot kemi parë një lobim të qarqeve anti shqiptarë, dhe kjo është një tradhti kombëtare. Edi Ramen e mundi Ilir Babaramo i vetem, imagjinoni cfare i ben atij e gjithe Shqiperia. Atij Shkodra do t’ja beje 9 me 2” – tha Meta.
