Veshja e xhinseve të ngushta mund të të çojë në dënim me vdekje në Korenë e Veriut. Disa ligje të reja janë miratuar nga mesi i majit me arsyetimin e mbrojtjes së vendit nga “infektimet e huaja”, që mund të futen përmes filmave, muzikës dhe tendencave të modës.
Mediat shkruajnë se kushdo që kapet me materiale muzikore apo filma nga Koreja e Jugut, Shtetet e Bashkuara apo Japonia rrezikon të dënohet me vdekje.
Kushdo që kapet në flagrancë duke dëgjuar apo parë materiale me origjinë të huaj, rrezikon të dënohet deri në 15 vite me punë të detyruar në një kamp internimi.
Daily NK tregon historinë e tre të rinjve, të cilët janë dërguar në një kamp riedukimi të Koresë së Veriut për shkak të prerjes së flokëve në një model të papërshtatshëm për vendin, duke imituar modelin e disa këngëtarëve të muzikës Pop.
Po ashtu, dënimi nuk do të ndalet vetëm tek personat që shkelin ligjin. Mësohet se nëse një punëtor arrestohet, do jetë edhe drejtuesi i fabrikës ku ai është i punësuar që mund të dënohet. Gjithashtu, edhe prindërit e fëmijës që thyen rregullat.
“Sistemi i spiunimit i inkurajuar nga regjimi i Koresë së Veriut, pasqyrohet në mënyrë të frikshme tek ky ligj”, shkruhet nga Daily NK
