Hoqi shishet ‘Coca-Cola’/ Ronaldo i shkakton kompanisë humbje 4 miliardë dollarë (VIDEO)

Cristiano Ronaldo përbën lajm jashtë fushave të blerta. CR7-ta ka tërhequr vëmendjen botërore për shkak se hoqi dy shishe “Coca-Cola” nga tavolina e tij në konferencën për shtyp prag ndeshjes me Hungarinë, raporton SYRI.net. “Goal” shkruan se ky veprim i ka shkaktuar një dëm 4 miliardë dollarësh kompanisë Coca-Cola. Para se Ronaldo të bënte këtë veprim, vlera e kompanisë llogaritej në shifrën e 242 miliardë dollarëve dhe më pas ra me 1.6% në 238 miliard dollarë. Ylli portugez është fans i dietave të shëndetshme duke e treguar me formën e jashtëzakonshme që po kalon në moshën 36 vjeçare. Në momentin kur hoqi shishet, Ronaldo tha: “Pini ujë!”