Një aksident me pasojë vdekjen ka ndodhur paraditen e së mërkurës në Memaliaj. Raportohet se viktima quhet Adem Hada. Ai ishte 68 vjeç. Mësohet se ai po udhëtonte me motoçikletë kur ka dalë nga rruga, duke humbur jetën. Ngjarja është shënuar në rrugën mes fshatrave Krahës e Zhulaj. Viktima dyshohet se humbi kontrollin e mjetit dhe më pas doli nga rruga.
Njoftimi paraprak nga policia e Gjirokastrës
Rreth orës 10:00, në një rrugë rurale në fshatin Krahës 1, Memaliaj, shtetasi A. H., 68 vjeç, banues në fshatin Krahës, duke drejtuar motoçikletën ka humbur kontrollin dhe ka dalë nga rruga. Si pasojë e dëmtimeve të marra ai ka ndërruar jetë gjatë transportimit për në spital. Grupi hetimor ndodhet në vendngjarje dhe po punon për përcaktimin e shkaqeve të aksidentit.
