Në garë për rekord “Guiness”, rrobaqepësi qep pantallona 70 metra të gjata

Një rrobaqepës zviceran, ka qepur një palë pantallona afro 70 metra të gjata. Rrobaqepësi Ekvandekar Kelesh, ndërtoi pantallonat gjigante me idenë për t’u bërë pjesë e librit të rekordeve “Guiness”.
Në një intervistë për mediat vendase, rrobaqepësi shumë i njohur në vendin e tij ka thënë, se për të qepur ato, i është nevojitur 8 muaj.
“Është një mundësi e mirë për rritjen e vetëdijes që po i bëhet planetit tonë nga plastika”, ka deklaruar Patrick Hurshelas, një mik i Kelesh.
Afro 11 vite më parë, Kelesh kishte emigruar nga Siria për në Zvicër, me ëndrrën e madhe, që një ditë të realizonte një vepër të tillë. Gjatë qepjes, atë e ndihmuan 50 persona, ndërsa materiali i përdorur, ka kushtuar 4 mijë euro.
Vlen të përmendet se deri më tani, pantallonat më të gjata që janë qepur, janë ato prej 65.5 metrave, nga një peruan, e kjo është rekordi i tanishëm botëror, shkruajnë mediat e huaja.