Një aksident automobilistik ka ndodhur para pak minutash në rrugën Gjirokastër-Kakavijë, pranë fshatit Dervician. Nga të dhënat e para mësohet se janë përplasur tre makina, mes tyre edhe një betoniere. Argjirolajm.net siguron pamjet nga vendi i ngjarjes, ku sic shihet kanë mbërritur edhe autoambulancat dhe forcat e policisë. Mësohet se të plagosur kanë mbetur dy persona, të cilët janë dërguar në spitalin e Gjirokastrës. Dy automjete tip fuoristradë janë përplasur me një betoniere, e cila dyshohet si i ka ndërprerë rrugën. Personat e plagosur, identiteti i të cilëve nuk dihet ende, deri më tani raportohet se ndodhen jashtë rrezikut për jetën. Policia po heton shkaqet e aksidentit deri në zbardhjen e plotë të ngjarjes. Shihni pamjet më poshtë. ©argjiroja.net