Saranda në kaos nga trafiku i rënduar, bashkia vendos kufizime të reja për makinat

Bashkia Sarandë ka publikuar një urdhër të ri për ndalimin e automjeteve që furnizojnë dyqane të qarkullojnë në cdo orar. Sipas Bashkisë, ky urdhër vjen për mospengimin e rrjedhshmërisë së trafikut dhe rritjen e sigurisë së qarkullimit në territorin e Bashkisë Sarandë. Oraret e furnizimit të magazinave dhe dyqaneve me automjete do të jenë: Për automjetet me peshë të përgjithshme deri në 3.5 ton, qarkullimi do të lejohet nga ora 12:00-16:00 dhe nga ora 24:00-07:00. Për automjetet me peshë të përgjithshme mbi 3.5 ton, qarkullimi do të lejohet në orarin 24:00-07:00. Gjatë muajve të verës Saranda përballet me një trafik të shtuar për shkak të numrit të lartë të pushuesve.