Pas publikimi të listës me 100 zyrtarë të administratës nga Edi Rama, kanë ardhur edhe pasojat e para.
Burime nga Prokuroria e Përgjithshme kanë deklaruan në mbrëmjen e sotme se kryeprokurori Adriatik Llalla ka lëvizur nga pozicioni drejtues, prokurorët e rrethit të Korçës, Kol Hysenaj dhe rrethit të Laçit, Hysni Vata.
Këta dy prokurorë gjendeshin edhe në listën e publikuar pasditen e sotme nga ana e kryeministrit Edi Rama. Pjesë e kësaj liste ishte edhe Arjan Mucaj, prokuror në Gjirokastër, por që ndaj tij deri më tani nuk është komunikuar asnjë masë.
Ndoshta sepse ai nuk ka pozicion drejtuesi në Prokurorinë e Gjirokastrës.
