Mund të ndodhë që të zgjoheni shpesh gjatë natës dhe të vini re se çarçafët janë të lagur me djersë. “The Sun” tregon pse ndodh kjo dhe kur duhet të shqetësoheni.
Pse djersitemi në gjumë?
NHS (Shërbimi Kombëtar i Shëndetit) thotë se arsyet më të zakonshme për djersitjen gjatë natës janë:
Simptomat e menopauzës: Ndryshimet hormonale gjatë menopauzës mund t’u shkaktojnë grave djersitje gjatë natës. Por kjo nuk është një situatë e rëndë, ju duhet vetëm të konsultoheni me mjekun tuaj.
Ankthi: Ky mund të jetë një shkak i zakonshëm i djersitjes së tepërt.
Ilaçet: Medikamentet kanë të gjitha llojet e efekteve anësore. Antidepresantët, steroidet dhe qetësuesit e dhimbjeve janë më të zakonshmet që shkaktojnë djersitje. Nëse keni filluar të djersiteni që nga marrja e ilaçeve, mund të flisni me mjekun tuaj për të parë nëse mund të bëni diçkqa për të ndryshuar situatën.
Sheqeri i ulët në gjak: Njerëzit me sheqer të ulët në gjak (hipoglikemia) mund të përjetojnë djersitje gjatë natës. Ai përfshin ata që marrin ilaçe për diabetin, si insulina.
Sëmundja është gjithashtu një shkak shumë i zakonshëm i djersitjes gjatë natës, pasi sistemi imunitar lufton infeksionin.
Djersitja gjatë natës mund të jetë gjithashtu një shenjë paralajmëruese e hershme për lloje të ndryshme të kancerit, më së shumti limfoma, një lloj kanceri në gjak. Por kjo është e rrallë.
Alkooli i tepërt, kafeina, ushqimet pikante, pirja e duhanit ose drogat gjithashtu mund t’ju shkaktojnë djersitje gjatë natës.
Kur duhet të shqetësohemi?
NHS thotë se duhet të shkoni tek mjeku nëse jeni djersitur gjatë natës. Nuk ka trajtime për djersitjen gjatë natës. Por mjeku juaj do të përpiqet të gjejë shkakun kryesor.
Në varësi të shkakut të djersitjes gjatë natës, ju mund të hasni edhe simptoma të tjera. Nëse jeni të sëmurë, mund të keni të dridhura ose ethe.
Nëse jeni grua, ndryshimet e humorit dhe thatësia vaginale mund të shoqërojnë djersitjen gjatë natës si rezultat i menopauzës. Ju ende mund të keni perioda ndërsa përjetoni simptoma të menopauzës.
Dhe nëse është kancer, zakonisht do ketë shenja të tjera paralajmëruese , si humbja e peshës.
Një tjetër faktor që ndikon tek djersitja gjatë natës mund të jenë edhe temperaturat e larta në dhomën ku ju fliini, ose fakti që flini me rroba të trasha. Ju madje mund të zgjoheni të djersitur pas një ëndrre të keqe.
Por nëse kjo ndodh rregullisht, ju ndërpret gjumin dhe / ose shoqërohet me simptoma të tjera, atëherë duhet të shkoni për një vizitë tek mjeku.
