Ish-zv.ministri i Integrimit arrestohet për zjarrvënie

Ish-Zv.Ministri i Integrimit dhe i ish-zv.ministri i Shendetesise, Albert Gajo është arrestuar për zjarrvënie, shkatërrim të pronës me zjarr. Lajmin e dha sot Policia e Shtetit, pasi Gajo në Leskovik dogji një sipërfaqe me vreshta dhe më tej përfshiu edhe toka të tjera me bimësi të ndryshme. Policia e Kolonjës bërë arrestimin në flagrancë të Albert Gajos, 59 vjeç, banues në Tiranë, pasi në vendin e quajtur “Sarandapor” në Leskovik, ka shkaktuar rënien e zjarrit në një sipërfaqe me vreshtari, duke përfshirë më pas edhe një sipërfaqe tjetër me bimësi. Materialet i kaluan Prokurorisë së Rrethit Gjyqësor Korçë për veprën penale “Shkatërrimi i pronës me zjarr”. Drejtoria Vendore e Policisë Korçë apelon për të gjithë banorët, që në asnjë rast mos shkaktojnë zjarrvënie, pasi do përballen me ligjin. Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies.