Lot e dhimbje në Fier, përcillen në banesën e fundit dy punëtorët që humbën jetën pasi makina e tyre ra në kanal

Përcillen sot për në banesën e fundit 54-vjeçari Shkëlqim Begaj dhe 39-vjeçari Eljor Lagjaj, të cilët humbëm jetën një ditë më parë, kur automjeti i firmës në të cilën punonin përfundoi në një kanal vaditës në zonën e Marinzës. Dy burrat fatkeqësisht përfunduan të mbytur brenda makinës tip “Mitsubishi”, ndërsa kjo e fundit ra përmbys në kanalin e mbushur me ujë dhe baltë. Vetëm pas disa orësh, automjeti bashkë me trupat e pajetë u nxor nga kanali. Pritet zbardha e shkaqeve që çuan makinën jashtë rruge, ku si pasojë humbën jetën dy punonjësit e një kompanie private sigurimesh.