Një person raportohet të ketë mbetur i vrarë me armë zjarri mbrëmjen e kësaj të hëne në Lushnje, ndërsa 3 te tjere jane plagosur. Ngjarja ka ndodhur në qendër të qytetit dhe objektiv dyshohet se ka qenë pronari i Bar Pedonales që ndodhet në këtë qytet. Paraprakisht dyshohet se viktima është pikërisht pronari i lokalit, Bledar Muca, rreth të 40-tave. Autorët dyshohet se kanë hapur zjarr nga një automjet në lëvizje, ndërkohë që viktima dhe nje nga te plagosurit po pinin kafe në lokal. E gjithë ngjarja e rëndë ndodhi në një kohë kur në zonë ndodheshin qytetarë të shumtë. Mbeten të paqarta shkaqet apo personat që fshihen pas këtij atentati. Në vendin e ngjarjes ndodhet policia, e cila pritet të hedhë më shumë dritë mbi këtë atentat.
Policia konfirmoi vrasjen e pronarit të Bar Pedonale në Lushnjë, Bledar Muça. Sipas uniformave blu janë edhe tre të plagosur të tjerë nga breshëritë e Kallashnikovit, mes tyre një vajzë 24 vjeç. 3 të plagosurit janë Judin Velo, Ervis Tafa dhe Sara Liçi. Sipas policisë Judin Velo, Ervis Tafa dhe Sara Liçi ndodhen në spital nën kujdesin e mjekëve.
Njoftimi i plotë i policisë
Sot rreth orës 22:00, në një lokal në pedonalen e qytetit, është qëlluar me armë zjarri dhe për pasojë ka ndërruar jetë shtetasi B. M dhe kanë mbetur të plagosur shtetasit J. V., 32 vjeç, E. T dhe S. L., 24 vjeçe të cilët ndodhen në spital nën kujdesin e mjekëve. Janë ngritur pika kontrolli në hyrje-dalje të qytetit dhe po vijon krehja e zonës me qëllim kapjen e autorëve. Vijon puna për zbardhjen e rrethanave dhe dokumentimin e plotë të ngjarjes.
