Argjirolajm.net zbardh të tjera detaje nga aksidenti tragjik në Muzinë, ku mbeten të vdekur 5 persona. Të plagosurit jashtë rrezikut për jetën që marrin trajtim në spitalin e Gjirokastrës janë shtetaset: Greta Kapidani, e datëlindjes 1996 nga Fieri, e cila ishte pasagjere në furgon. Po kështu janë në spital edhe tre vajzat që udhëtonin me fuoristradën tip “Land Rover”, e cila përplasi furgonin. Bëhet fjalë për shtetasen Rexhina Çelhaga, 22 vjeç, si dhe dy shtetaset italiane të identifikuara si Ana Cascalvilla, e datëlindjes 1998 dhe Xhulia Parini e datëlindjes 1999. Aktualisht në spitalin e Gjirokastrës kanë mbërritur edhe përkthyes të autorizuar për të marrë deklarimet e vajzave italiane bashkë me grupin hetimor. Ndërkohë sa i përket viktimave që janë në morg, sikundër kemi raportuar edhe më parë, bëhet fjalë për shoferin e furgonit, Bardhi Proda si dhe shtetasit Fiqiri dhe Dritë Korçari. Të paidentifikuar janë dy shtetas të huaj. Ata mendohet se janë turistë. ©argjiroja.net
