“Ajo qan vazhdimisht dhe kujton momentet e fundit të përplasjes me furgonin që sipas saj vinte në drejtimin e kundërt”. Kështu tregojnë punonjësit e repartit të reanimacionit në spitalin e Gjirokastrës për 22-vjeçaren Rexhina Çelhaka, e cila dyshohet si shkaktare e aksidentit me 5 jetë të humbura. Ditën e sotme policia i komunikoi asaj arrestimin, ndërkohë që vijojnë hetimet për zbardhjen e plotë të ngjarjes. Mjeku Murat Kaçi tregon për Top Channel se vajza është në një gjendje të rënduar psikologjike. Sipas tij ajo ka vetëm një frakturë të lehtë që duhet operuar në një etapë të dytë.
