I arrestuar për korrupsion, sot seanca e vettingut për prokurorin e Sarandës

Komisioni i Pavarur i Kualifikimit ka nisur sot seancën për rastin e prokurorit të Sarandës, Sali Hasa, i cili ndodhet në masën ‘arrest me burg’, pasi po hetohet nga SPAK për “korrupsion”. Hasa nuk u paraqit në seancë dhe ka bërë me dije në KPK se nuk do të paraqitet. Sipas dosjes, prokurori Hasa dyshohet se ka pushuar çështjen e shtetasit Emiljano Mirani të akuzuar për “plagosje të lehtë” përmes ndërmjetësimit të motrës së këtij të fundit Elsona Papa, punonjëse e Policisë Bashkiake Sarandë.