Autoritetet greke tashmë kanë prova të bollshme, ku sqarohet se çfarë ndodhi atë natë në Glyka Nera, ku Caroline Krauts, u vra pamëshirshëm nga i shoqi Babis. Sipas mediave greke, autoritetet kanë zbuluar të gjitha bisedat e kryera nga Babis, pak orë para se të kryente krimin e rëndë. E gjitha është filmuar nga kamera e dhomës së ndenjes, në shtëpinë në Glyka Nera.
Gjithashtu janë gjurmuar dhe të gjitha transfertat bankare që bënte piloti, nga llogaria e përbashkët me gruan, por dhe ajo e veçanta. Në përfundim, hetuesit do të plotësojnë të gjitha pjesët e pazëllit, për të mësuar se çfarë ndodhi me të vërtetë atë natë dhe nëse dëshmia e rrëfyer nga piloti do të përkojnë me të dhënat e fundit të siguruara. Sa i përket vajzës së tyre të vogël, Lidia, ajo është duke qëndruar me prindërit e Caroline. Ata janë zotuar se pjesën e mbetur të jetës do ia kushtojnë vajzës së vogël.
Në një deklaratë para disa kohësh, nëna e pilotit u shpreh:
“Siç dikton urdhri i prokurorit, ne duhet ta shohim vajzën 5 ditë në fund të çdo ,muaji por ky proces nuk po respektohet”.
