Një makinë ka marrë flakë në Gjirokastër. Por fatmirësisht nuk ka të lënduar në njerëz. Policia njofton vetëm për dëme materiale, ndërsa ende nuk dihen shkaqet e zjarrit.
“Në datën 18.10.2021, rreth orës 09:20, njoftohemi se në aksin rrugor “Ura e Lumit” – “Lagjia Puntore”, në afërsi të një supermarketi, mjeti tip “Benz”, në pronësi të shtetasit F. R., ka marrë flakë. Në vendngjarje shkuan shërbimet e policisë dhe zjarrëfikëse. Grupi hetimor po punon për përcaktimin e shkaqeve të rënies së zjarrit”, thuhet në njoftimin e policisë.
