Aksident i rendë në Qafe-Gjashtë të Sarandës. Argjirolajm.net mëson se një automjet me shpejtësi ka përplasur një person, i cili po vendoste disa sende ne bagazhin e mjetit të tij. Ngjarja ndodhi rreth orës 21:30.
Ndonëse i plagosuri është transportuar me urgjencë në spital, Arbjas Kreci, nga të dhënat paraprake mësohet se ai ka humbur gjymtyrët.
Po ashtu Argjirolajm.net mëson se personi që mbeti i plagosur kishte parkuar makinë e tij me targa AB441EP dhe teksa fuste në bagazh disa kova me bojë, është përplasur me shumë forcë nga një automjet me targa AB067PJ, që drejtohej nga 43-vjeçari Luan Mucodemi, nga Ksamili. Aktualisht policia ndodhet në vendin e ngjarjes. Sipas dëshmitarëve të ngjarjes, goditja ishte shumë e fortë, sa që personit të plagosur dyshohet se i janë prerë gjymtyrët. Forca te shumta policie ndodhen në vendin e ngjarjes.
