Një aksident i rëndë ka ndodhur mbrëmjen e së dielës në rrugën Gjirokastër-Tepelenë, ku një 33-vjeçar ka humbur jetën. Sipas policisë, në vendin e quajtur Ura e Leklit, automjeti tip “BMW”, me drejtues shtetasin L. I. ka dalë nga rruga dhe ka përfunduar disa metra poshtë rrugës. Si pasojë e aksidentit ka ndërruar jetë drejtuesi i mjetit, banues në fshatin Hormovë, Tepelenë. Shoferi 33-vjeçar është viktima e tretë e aksidenteve në rrugë gjatë kësaj të diele, ku kanë mbetur të plagosur edhe 11 persona.
Njoftimi i policisë
Rreth orës 21:15, njoftohemi se në aksin nacional Tepelenë-Gjirokastër, në afërsi të Urës së Leklit, automjeti tip “BMV”, me drejtues shtetasin L. I. ka dalë nga rruga dhe ka përfunduar disa metra poshtë rrugës. Për pasojë ka ndërruar jetë drejtuesi i mjetit, shtetasi L. I., 33 vjeç, banues në fshatin Hormovë, Tepelenë. Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.
