Detaje tronditëse zbulohen për ngjarjen e rëndë të ndodhur në Libohovë, ku një 16-vjeçare është përdhunuar nga një 53-vjeçar, tashmë i arrestuar nga policia. Autori është identifikuar si Kabuli Hunda. Ai kishte lidhje gjaku me minorenen, e cila vjen nga një familje e varfër. Konkretisht Hunda e kishte djalin e motrës babain e vajzës.
Pra, babai i vajzës e kishte dajë 53-vjeçarin, ndërsa si autori ashtu dhe familja e viktimës jetonin në një lagje. Abuzuesi më parë kishte jetuar në Greqi, ndërsa gruaja i kishte ndërruar jetë vite më parë. 53-vjeçari është baba i një vajze të rritur.
VAJZA E ABUZUAR PËRFUNDOI NË SPITAL
16-vjeçarja kishte shfaqur probleme shëndetësore dhe ka përfunduar në spitalin e Gjirokastrës në gjendje të rëndë shëndetësore, duke u shtruar menjëherë në reanimacion me hemorragji të rëndë dhe me hemoglobinë 1.
Mjekët kanë menduar menjëherë se vajza mund të ishte prekur nga leucemia, më pas kanë diskutuar për një abort spontan. Vajza po i nënshtrohet ekzaminimeve teksa ndodhet ende në gjendje të rëndë shëndetësore.
NJOFTIMI i POLICISE
Specialistët e Seksionit të Hetimit të Krimit në Komisariatin e Policisë Gjirokastër ndaluan shtetasin K. H., 53 vjeç, banues në Libohovë, pasi dyshohet se në periudha të ndryshme kohore ka kryer marrëdhënie seksuale me dhunë me një shtetase të mitur, 16 vjeçe, e cila ndodhet në spital, për të marrë ndihmën mjekësore dhe për ekzaminimet e mëtejshme. Materialet në ngarkim të shtetasit të mësipërm u referuan në Prokurorisë pranë Gjykatës së Shkallës së Parë Gjirokastër, për veprën penale “Marrëdhënie seksuale ose homoseksuale më dhunë me të mitur të moshës 14-18 vjeç”.
