Fshihej në shtëpinë e prindërve në Memaliaj, kapet 39-vjeçari i shpallur në kërkim për plagosje

Nga shërbimet e Komisariati të Policisë Tepelenë, në banesën e prindërve të tij në fshatin Maricaj, Memaliaj, u kap dhe u ndalua shtetasi i shpallur në kërkim E. K., 39 vjeç, banues në Tiranë, pasi në datë 29.07.2021, Gjykata e Shkallës së Parë Gjirokastër e ka dënuar me një vit burgim për veprën penale “Plagosje e lehtë me dashje”. Shtetasi E. K. në vitin 2019, në qytetin e Memaliaj, për motive të dobëta ka plagosur lehtë shtetasin E. D. Materialet në ngarkim të shtetasve të mësipërm i kaluan në Prokurorinë e Rrethit Gjyqësor Gjirokastër, për veprime të mëtejshme.