Një ngjarje tejet e rëndë ka ndodhur në Vlorë. Një grua është hedhur bashkë me fëmijën e vogël nga kati i pestë i një pallati. Të dy kanë ndërruar jetë. Ngjarja e rëndë ndodhi në lagjen “Pavarësia”.
Viktimat janë të moshës 35 dhe 2 vjeç. Dëshmitarë nga vendi i ngjarje thanë se gruaja nuk jetonte në këtë pallat.
“Është hedhur nga kati i pestë nga sheshpushimi. Nuk rrinte aty, ka ardhur thjesht për të bërë këtë. Ishte me gjithë fëmijën. Ndjeva zhurmën që ra dhe dola. Në momentin që dola, ajo ishte e shtrirë dhe fëmija ishte përmbys.
Ajo kishte shenja jete, kurse fëmija kishte çarje në fytyrë dhe e mori njëri me një Benz 305. Rri te pallati në anën tjetër, është vajza e dikujt që ka qenë mjek i urgjencës. Mund të ishte tek 30 ose 32 vjeç. Fëmija 2-3 vjeç. Unë lajmërova, s’mund të bëja sehir. Policia erdhi, ambulanca u vonua 10 minuta”, tha një dëshmitar nga vendi i ngjarjes.