Merr flakë një shtëpi në Gjirokastër

Ditën e sotme, një banesë në lagjen “Kodrat e Shtufit” në Gjirokastër është përfshirë nga flakët. Sipas raportimeve të mediave, mësohet se shkak është bërë soba e drurit në dhomën kryesore të banesës 1-katëshe në pronësi të Eqerem Fejzos. Forcat zjarrfikëse kanë mbërritur menjëherë në vendin e ngjarjes duke bërë të mundur shuarjen e plotë të flakëve. Nga zjarri janë shkaktuar dëme materiale në dhomën ku kanë rënë zjarri ndërkohë që nuk raportohet për të lënduar.