Kryeprokurori i Gjykatës së Catanzaro Nicola Gratteri është bërë qytetar nderi i Cinisello Balsamo. Në një ceremoni të zhvilluar në dhomën e këshillit, Gratteri mori në dorë çmimin nga kryebashkiaku Giacomo Ghilardi.
Por kush është Gratteri?
Ai është shënjestër e mafias italiane dhe pretendon se nuk e ka shijuar kurrë lirinë e tij e madje prej muajit prill të vitit 1989, vit kur i hapi luftë klanit ’Ndrangheta. Operacioni i fundit që ai drejtoi, “Rinascita-Scott”, zbuloi ndërthurjen e politikës, masonerisë dhe mafies, duke çmontuar klanin Mancuso që kontrollon provincën e Vibo Valentia dhe i shtrin tentakulat e tij edhe larg Kalabrisë.
Por cilat janë sulmet e përgatitura drejt tij?
Më 21 qershor 2005, ekipi special “Ros” i policisë italiane, zbuloi një arsenal armësh një kilogram eksploziv me detonator, raketahedhës, kallashnikov, granata dore etj, me të cilat ishte planifikuar një sulm ndaj Gratterit. Pas arrestimeve të “Rinascita-Scott”, ku mijëra njerëz u mblodhën para komisariatit të Vibo Valentia për të “falenderuar prokurorin”. Madje disa javë më vonë, mijëra të tjerë filluan një aksion përpara Pallatit të Drejtësisë, këtë herë “për ta mbrojtur” nga ata që duan ta ndalojnë.
Grateri nuk ka shkuar kurrë në plazh, por ka gjetur një mënyrë si kënaqësi të tij të ngasë një traktor në fshat, të gjitha këto nën vëzhgimin e rreptë të agjentëve që e ruajnë.
Nuk ka shkuar kurrë në kinema dhe as të ndjekë një ndeshje futbolli. Nuk ka bërë kurrë një shëtitje, apo të ketë shkuar në restorant me familjen.
Por për dy gjëra, Gratteri nuk ka pranuar negociata: të punojë tokën dhe të shkojë në shkolla për t’iu shpjeguar të rinjve pse nuk ia vlen të jesh pjesë e ‘Ndrangheta.
I rritur edhe vetë në Kalabrinë e dominuar nga mafia, Gratteri i përçmonte familjet sunduese që terrorizonin komunitetin e tij dhe vendosnin diktatin e tyre pa pasur frikë nga dënimi.
Operacionet e guximshme të prokurorit kanë lënë pas hekurave shumë nga ‘gangsterët’ e famshëm të Italisë. Ora kulmore e tij erdhi pak muaj më parë, kur jo pak por 355 kriminelë, anëtarë të grupit mafioz ‘Ndrangheta, dolën në gjyq.
