Sipas feng shui-t, portofoli duhet të jetë gjithmonë i rregullt në mënyrë që energjia e parave të jetë e favorshme. Prandaj, të gjitha gjërat e panevojshme duhet të hiqen nga portofoli dhe të lihet vend për disa të tjera që besohet se shumëfishojnë bollëkun.
Kartëmonedha
Mund të jetë ndonjë valutë e huaj që ju kujton një udhëtim të këndshëm apo një kartëmonedhë që keni marrë nga një person i dashur. Mund të jenë gjithashtu para që keni kursyer dhe më pas i përdorni si një simbol për të përmirësuar financat tuaja. Është e rëndësishme që kjo kartëmonedhë të ketë një vlerë të veçantë për ju, jo materiale, por për t’ju lidhur me diçka pozitive.
Tërfili me katër fletë
Mund të mbani një tërfil në portofolin tuaj. Që të zgjasë sa më shumë, vendoseni në një copë letre dhe mbajeni si hajmali.
Monedhat kineze të feng shui
Quhen edhe monedha I-Ching dhe për të funksionuar duhet të lidhen një grup prej 3, 6 ose 9 monedhash me fije të kuqe. Përveç tërheqjes së bollëkut, këto monedha konsiderohen si një amulet për lumturinë dhe mirëqenien e përgjithshme. Shumë prej tyre varen në shtëpi, zyra, makinë dhe mund t’i mbani në portofolin tuaj.
