Në mbledhjen e sotme të Këshillit Bashkiak Tiranë, ku po diskutohej çështja e rritjes së çmimit të ujit të pijshëm në kryeqytet, kryebashkiaku Erion Veliaj ka sulmuar ashpër Besjan Peshën, i cili bashkë me aktivistë të tjerë të shoqërisë civile po protestonte jashtë bashkisë.
“S’bëri hajër në Gjirokastër. Unë për vete bëra hajër edhe në Gjirokastër dhe në Tiranë. Ai është dënuar për vjedhje në Gjirokastër”, ka thënë Veliaj për Peshën, ish-drejtorin e Agjensisë Kombëtare të Burimeve Natyrore, duke e akuzuar gjithashtu edhe për vjedhjen e naftës gjatë kohës kur drejtonte këtë institucion.
/ArgjiroLajm.net/
