Ronald Bejko dhe Belind Këlliçi u përplasën sot në emisionin Open në Top Channel. Ata u kapën me njëri-tjetrin pas akuzave që Bejko bëri se Berisha u kishte premtuar të gjithë mbështetësve se do kthehej si kryeministër.
“Një i çmendur nga Gjirokastra tha që unë kam shpartalluar dyert e PD-së në Gjirokastër, që unë vet e kam rregulluar, se e gjeta si shurrore. Nëse e kam bërë këtë që thonë atëherë le të më denoncojnë, nëse s’e bëjnë do i denoncoj unë për shpifje.
Berisha edhe pse u siguroi të tjerëve se do ishte shumë shpejt në krye të PD, dhe u ka bërë premtime e u ka thënë që do të marrë kryesinë e PD e që do kthehet kryeministër,” tha Bejko.
Këlliçi: Mua s’më ka ofruar askush asgjë
Bejko: Boll më ndërpreve, të të vijë turp që bën zhurmuesin.
Këlliçi: E ke të shkruar në çehre që je bolshevik, e ke të shkruar në ballë, e di mirë ti se me këtë po merresh
Roland Bejko: Mua kur flas mos më ndërhyj më. Nuk shkon Rama deri tek Basha se ty të ka më të afërt, të ka dhëndrin e shokut.
Belind Këlliçi: Lëri mo këto.
Roland Bejko: Mos të më lejosh mua të flas?
Belind Këlliçi: Unë të shikoj ty me mentalitetin e tmerrshëm enverist. Ti je enverist. Shko në Lazarat.
Roland Bejko: Në Lazarat e ku të duash ti shkoj. Mos më ndërhyj kur flas. Mua mos më ndërhyj.
