28 vite më parë një grup komandosh ekstremistë grekë sulmuan postën kufitare të fshatit Peshkëpi ku u ekzekutuan 2 ushtarakë shqiptarë dhe u plagosën 3 të tjerë. Akti terrorist nga ithtarët e të ashtuquajturit Vorio-Epir nxori zbuluar implikimin e politikanëve të minoritetit grek të lidhur me qarqe nacionaliste .
Një hetim i ri i nisur në vitin 2019 zbuloi personazhe për të cilët nuk është folur kurrë, por dosja u mbyll sërish pa dënuar asnjë prej përgjegjësve. Për herë të parë, zbulohen shqiptarët që ndihmuan ekstremistët grekë dhe të pathënat e një plani të mirëmenduar. Autorët e masakrës lëvizin lirshëm brenda Shqipërisë dhe angazhohen qetësisht në politikë.
Emisioni “Inside Story” në Top Channel zbardh të pathënat e kësaj ngjarje të rëndë, duke iu referuar për herë të parë edhe raporteve të shërbimit sekret, ku evidentohet gjithashtu roli i Thanas Gudës, një banor i fshatit Peshkëpi, që dyshohet se ka bërë rolin e udhërrëfyesit të terroristëve që sulmuan postën kufitare. Shihni më poshtë dokumentarin e plotë të “Inside Story”.
