Reali i Madridit ka triumfuar për herë të 14 në Champions League, pasi mundi në finale Liverpool-in 1-0.
Ndeshja nisi me Liverpool-in më agresiv dhe më kërkues, duke tentuar të gjejë golin disa herë, veçanërisht me Salah, por Courtois ishte i pakalueshëm.
Rasti i vetëm për Realin ishte ai i minutës së 45-të, kur Benzema e dërgoi topin në rrjetë, por VAR e anuloi për pozicion jashtë loje.
Në minutën e 59-të Vinicius realizoi në portën e Liverpool pas një asisti fantastik nga Valverde.
Në vazhdim, Liverpool-i u hodh i gjithi në sulm, por u përballë me murin spanjoll të projektuar nga një arkitekt italian, si Ancelotti.
