Bajram Begajn duket se e ka parashikuar si president të ardhshëm gazetari Klodian Tomorri përmes një reagimi dy ditë më parë. Nuk e ka përmendur me emër, por ka thënë se ai do duhet të jetë një president që të firmosë dhënien e pronave të ushtrisë në bregdet për klientët e qeverisë.
“Kur Partia Socialiste thote qe Presidenti te jete i ndryshem nga Meta, e ka fjalen qe te firmose ato te nemura letra per te nxjerre nga Plani i Perhapjes se Marines 137 hektare ne bregdet. Kane 5 vjet qe po lodhen dhe nuk po i marrin dot. Jane 60 per qind e te gjithe pronave qe kane bazat e forces detare. Do ishin bere me dhjetra fshatra turistike, hotele dhe resorte tani. Per nje cope firme. Ja pra, Presidenti i ri nuk duhet te jete kunder zhvillimit se na nxin imazhin e Shqiperise neper bote. Sa te emerojme nje President qe e do zhvillimin, pastaj do luftojme me hunj per te mbrojtur Atdheun. Se Komanden e Forces Detare do e zhvendosim ne Skrapar. Por keto jane thjesht demet e vogla kolaterale te progresit”, shkruante Klodian Tomorri.
