Një ngjarje e rëndë ka ndodhur këtë paradite në shëtitoren e Sarandës. Një sherr mes dy personave ka degraduar në përdorimin e mjeteve prerëse.
Policia njofton se gjatë një konflikti për motive të dobëta shtetasi G. G., ka goditur me mjet prerës në kurriz shtetasin K. K., 43 vjeç.
Mesohet se i plagosur ka mbetur shtetasi Kledi Koka, i cili është duke iu nënshtruar një operacioni.
Sarandë/Informacion paraprak
Më datë 07.06.2022, në shëtitoren e Sarandës, gjatë një konflikti për motive të dobta shtetasi G. G., ka goditur me mjet prerës në kurriz shtetasin K. K., 43 vjeç, i cili ka marrë mjekim në spitalin e Sarandës, jashtë rrezikut për jetën. Grupi hetimor ndodhet në vendngjarje dhe po punon për zbardhjen e rrethanave të ngjarjes.
ARRESTIMI AUTORIT
Pak pas ngjarjes është arrestuar autori i plagosjes me thikë në Sarandë. Ai është identifikuar si 43-vjeçari Genti Golemi, i cili pas një sherri në shëtitoren e Sarandës, goditi me thikë pas shpine 43-vjeçarin Kledi Koka. Ky i fundit ndodhet në spital, ku po i nënshtrohet një operacioni, pasi thika i ka prekur mushkërinë. Ndërkohë, mësohet se autori ka qenë peshkatar dhe sherri ka nisur për motive të dobët.
Autori kishte dhe një emër të dytë, Jorgo Golemi, dhe ishte i dënuar më parë në Greqi për trafik droge dhe në Sarandë për prodhim e shitje të lëndëve narkotike, si dhe mbajtje pa leje të municionit luftarak. Ai ishte kapur në vitin 2006 me 400 gramë marijuanë, kapsolla detonatore dhe fitila zjarrpërcjellës.
