Një aksident i rëndë ka ndodhur në fshatin Shtëpez, Gjirokastër, ku një kamion që transportonte lëndë drusore është rrëzuar në një zonë të pyllëzuar. Mësohet se shoferi nga Mamurrasi, Tefik Hasani, ka mbetur i plagosur rëndë. Ai është transportuar me helikopter drejt Tiranës për ndihmë më të specializuar.
NJOFTIMI POLICISE
Sot, rreth orës 14:30, në rrugën rurale mbi fshatin Shtëpëz, Gjirokastër, automjeti tip kamion, me drejtues shtetasin F. H., 50 vjeç, banues në Mamurras, ka dalë nga rruga. Për pasojë është dëmtuar drejtuesi i mjetit, i cili po transportohet për në spital, për të marrë ndihmën mjekësore. Grupi hetimor po punon për zbardhjen e shkaqeve të aksidentit.
