Ashtu siç e kishte paralajmëruar ish-kryemnistri Sali Berisha, mijëra qytetarë i janë bashkuar protestës së 7 korrikut. Siç shihet nga pamjet e kapura me dron, mijëra protestues kanë mbushur bulevardin “Dëshmorët e Kombit”.
Kjo është protesta e parë e tij qysh prej kur mori drejtimin e PD-së ndonëse ka ende një proces gjyqësor që s’ka përfunduar. Shumë deputetë të grupit parlamentar i janë bashkuar gjithashtu Berishës.
Protesta është kundër qeverisë dhe krizës së cmimeve që ka krijuar vështirësi të jashtëzakonshme për shumë familje shqiptare. Ndërkohë ditët e fundit kanë dalë në dritë edhe fakte të reja për aferën e inceneratorëve.
Shumë kompani private të regjistruara me emra pensionistësh kryenin transaksione fiktive për të përfituar paratë nga buxheti i shtetit.
