Prezervativët me aromë dhe shije nuk janë gjë e re. Por në Indi, ata po kthehen në varësi për shumë të rinj. Në Durgapur të Bengalit Perëndimor, siç raporton gazeta lokale indiane Neës 18, këta prezervativë janë “droga” më e re.
“Më parë, tre deri në katër pako prezervativë shiteshin çdo ditë. Por tani prezervativët zhduken nga dyqani brenda pak orësh”, thotë një shitës i një dyqani mjekësor.
Kur prezervativët me aromë zhyten në ujë të nxehtë, çlirohet poliuretan, dhe krijohet një lloj koktaili që të fut në një gjendje të ngjashme me efektin e drogës për 10 deri në 12 orë, raporton Vice.
Poliuretani është një substancë plastike që përdoret në materialet e përditshme si izolimi i ndërtesave, pjesët e makinave dhe ngjitësi.
Indianët i lënë prezervativët në ujë për gjashtë deri në tetë orë përpara se të pijnë ujin.
Dheeman Mandal, një punonjës në Spitalin Divisional Durgapur, tha për Neës 18 se kjo praktikë mund të krijojë varësi.
“Kondomët përmbajnë komponime aromatike. Ajo shpërbëhet për të formuar alkool. Është problematike. Kjo përbërje aromatike gjendet edhe në ngjitësin e dendriteve”, tha Mandal për Neës 18.
FDA Favors Updated COVID Boosters for Fall, Shelves Summer Boosters
Keep Watching
Ekspertët i thanë Vice se konsumimi i ujit dehës nuk mund të kalojë pa pasoja.
“Pirja e këtij uji mund të shkaktojë dehje dhe varësi. Nëse konsumohet në mënyrë të përsëritur, do të ndikojë negativisht te mushkëritë dhe veshkat, si dhe do të dëmtojë sistemin nervor të trupit, “tha Joydeep Ghosh, ekspert i mjekësisë së brendshme në Spitalin Fortis, Kolkata.
Sanjith Saseedharan, drejtuesi i kujdesit kritik në Spitalin SL Raheja në Mumbai, shtoi në një bisedë me Vice se “përdorimi afatgjatë i kësaj mund të çojë në anomali mendore, duke përfshirë sjelljen e dhunshme, veprime të pavetëdijshme dhe [në raste të caktuara] edhe vdekjen.”
