Një automjet ka marrë flakë në aksin Kardhiq-Delvinë, pranë fshatit Prongji. Policia njofton se dyshohet qe zjarri të jetë shkaktuar aksidentalisht. Fatmirësisht nuk ka të lënduar në njerëz. Më poshtë njoftimi i policisë dhe pamjet që sjell Argjirolajm.net
Rreth orës 15:50, në aksin nacional Delvinë-Kardhiq, në ecje e sipër ka marrë flakë dhe është djegur pjesërisht automjeti tip “Ford”, i cili drejtohej nga shtetasi O. H., 34 vjeç, banues në Tiranë. Nuk ka dëme në njerëz. Nga veprimet e para hetimore dyshohet se zjarri është shkaktuar aksidentalisht. Në vendngjarje ndodhet grupi hetimor dhe po punon për sqarimin e rrethanave të situatës.
