I riu nga Lazarati bën të “fortin” me policinë, nuk i bindet urdhërit për të ndaluar në Virua

Specialistët e Seksionit për Hetimin e Krimeve të Komisariatit të Policisë Gjirokastër referuan materialet në Prokurorinë pranë Gjykatës së Shkallës së Parë Gjirokastër për veprën penale “Mosbindja ndaj urdhrit të punonjësit të policisë së rendit publik”, në ngarkim të shtetasit K. B., 28 vjeç, banues në fshatin Lazarat, Gjirokastër, pasi në aksin nacional “Gjirokastër-Tepelenë”, në afërsi të vendit të quajtur “Virua”, 28-vjeçari nuk i është bindur urdhrit të punonjësve të Policisë, të cilët i kanë bërë shenjë për të ndaluar automjetin. Shtetasi K. B. është larguar me shpejtësi por është ndjekur nga shërbimet e Policisë, të cilët menjëherë e kanë kapur dhe shoqëruar për në ambientet e Komisariatit të Policisë Gjirokastër. Materialet i kaluan Prokurorisë, për veprime të mëtejshme procedurale.